وإيه ذنب العلمانية مع اللي نفذوها, اللي نفذوها نفذوها غلط 6/10/2010

خاطرة كتبتها يوم 6 أكتوبر 2010 أتمنى أن تفيد...لأن الوضع والرؤى تقريبا لم يتغيرا...

من كم سنة حصل لقاء بين د. عبدالوهاب المسيري رحمه الله و سيد القمني على قناة الجزيرة في برنامج الاتجاه المعاكس.

قام مذيع الجزيرة سأل سيد القمني (ألم تُقام كل الحكومات العلمانية على الإستبداد وسفك الدماء والعنصرية تحت إسم العلمانية)

قام رادد سيد القمني بكل ثقة وقال ( وإيه ذنب العلمانية مع اللي نفذوها, اللي نفذوها نفذوها غلط)

قام ردّ عليه المذيع وقال له (بس عمرها ماتنفذت إلا كده)

قام رد سيد القمني وقال (وإيه ذنب العلمانية, العلمانية دي قيم وأسس ومبادئ ,يمكن تنفيذها على حسب كل إنسان ونيته لكن الإنسان لمّا يرتكب جرائم ماتنسبوهاش للعلمانية لأن العلمانية ماقالتلوش اقتل)

قلت في نفسي كلام جميل جدا جدا جدا وممتاز وعدّاه العيب

بس عايز أعلق تعليق واحد بس يا ريت نشيل كلمة علمانية من كلام سيد القمني ونضع كلمة (الشريعة الإسلامية) ونشوف الكلام يمشي ولّا لأ, ده لو افترضنا إن الحكومات الإسلامية أقيمت على سفك الدماء وده ماحصلش وإن عمرها ماتنفذت صح إلا في زمن الخلفاء الراشدين فقط وده برده غلط لأن صح من وجهة نظر مين وغلط من وجهة نظر مين , المهم لو قلنا نفس الكلام ده على الشريعة الإسلامية وجيبنا أمثلة إسلامية عرفت تنفذ الشرع صح بدون تعصب ولا جهل, يبقى كلام سيد القمني حجة عليه مش ليه..ويبقى اللي بيسوق عربية مرسيدس وتتقلب بيه ويموت أو يدوس بيها حد أو يخمّس بيها ويبهدلها  ماحدش بيقول العيب في العربية المرسيدس، لأن الكل عارف إن العربية حسب ماتسوقها وحسب ماتعلمت تسوقها.

https://www.facebook.com/notes/aly-abdel-baky-fahmy/%D9%88%D8%A5%D9%8A%D9%87-%D8%B0%D9%86%D8%A8-%D8%A7%D9%84%D8%B9%D9%84%D9%85%D8%A7%D9%86%D9%8A%D8%A9-%D9%85%D8%B9-%D8%A7%D9%84%D9%84%D9%8A-%D9%86%D9%81%D8%B0%D9%88%D9%87%D8%A7-%D8%A7%D9%84%D9%84%D9%8A-%D9%86%D9%81%D8%B0%D9%88%D9%87%D8%A7-%D9%86%D9%81%D8%B0%D9%88%D9%87%D8%A7-%D8%BA%D9%84%D8%B7/428274594735